წყნეთის გზატკეცილზე სპეცოპერაცია ჩატარდა

სპეცოპერაციის ჩატარების შემდეგ დაკავებულია 4 ადამიანი. შსს-ში აცხადებენ, რომ დაკავებულებს ბრალი გამოძალვისა და თავისუფლების უკანონოდ აღკვეთის მუხლებით ედებათ.

როგორც უწყებაში imedinews-ს განუმარტეს, ბოროტმოქმედების დაკავება ჩანაფიქრის განხორციელებამდე მოხდა. სხვა დეტალების შესახებ სამინისტრო განცხადებას მოგვიანებით გააკეთებს.

პოლიციამ სპეცოპერაციის ადგილიდან ცეცხლსახროლი იარაღიც ამოიღო. რის შემდეგაც ტერიტორია გადაიკეტა .

ბოლო ინფორმაციით, კალიფორნიაში ხანძარს 21 ადამიანი 
ემსხვერპლა

კალიფორნიის შტატში ტყის ხანძარს ისევ ებრძვიან. დაღუპულთა რიცხვი 21-მდე გაიზარდა. როგორც სააგენტო Reuters-ი საგანგებო სიტუაციების სამსახურის თანამშრომლებზე დაყრდნობით წერს, ცეცხლი რამდენიმე  ათას ჰექტარზეა გავრცელებული.

სტიქიის შედეგად განადგურდა  3500-ზე მეტი შენობა. ამ დროისთვის მეხანძრეები ხანძრის 22 მასშტაბურ კერას ებრძვიან. ხანძრის გამო  20 ათასი ადამიანი  იძულებული გახდა საცხოვრებელი სახლები დაეტოვებინა. არსებული ვითარების გამო კალიფორნიის  გუბერნატორმა შტატში საგანგებო მდგომარეობა გამოაცხადა.